تـــــــــــــــــــــــــــــــــــــــــــــــــنـــــــــ 
عدد الضغطات  : 1858
((جوال البيضان )) لتفاصيل اخرى اظغط هنا 
عدد الضغطات  : 3033

ديوان الشاعر: عيد بن بندور

السلام عليكم ورحمة الله وبركاته يسرني أن أضع بين أيديكم ديوان الشاعر عيد بن بندور البيضاني أحد شعراء البيضان المميزين والذي يتميز شعره برصانة الكلمة وسبك العبارة مع

إضافة رد
نسخ الرابط
نسخ للمنتديات
كاتب الموضوع محمد بن سعود مشاركات 2 المشاهدات 4611  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع

 

 

 
أدوات الموضوع
قديم 14th Jun 2009, 01:16   #1
محمد بن سعود
ابو سعود
 
تاريخ التسجيل: Jul 2005
الدولة: الرياض
المشاركات: 1,310
معدل تقييم المستوى: 1000
محمد بن سعود is on a distinguished road
افتراضي ديوان الشاعر: عيد بن بندور


السلام عليكم ورحمة الله وبركاته


يسرني أن أضع بين أيديكم ديوان الشاعر عيد بن بندور البيضاني أحد شعراء البيضان المميزين والذي يتميز شعره برصانة الكلمة وسبك العبارة مع إتباع أسلوب السهل الممتنع، ومما يتميز به شعر أبو بندر هو وضوح إندماج الشاعر وتفاعله مع مجتمعه وقبيلته.
نقلت لكم قصائده التي وجدتها مكتوبة وحرصت على نقل مقدماتها أيضاً بدون أي تغيير.
كما لا يفوتني أن أعتذر لشاعرنا وعشاق شعره عن أي خطأ طباعي أو إملائي قد يكون فات علي أثناء الكتابة لذلك فإنني أتطلع إلى أي تنبيه يرد إلي حول ذلك.



سلام يادار الاكارم والاحباب = يالدرة اللي بالوصايف فريدة
يادولة آل سعود عربين الانساب = شمتي لهم يادار وانتي عنيدة
اهل السيوف اللي يقصن الارقاب = واهل الفعول المعجزة والحميدة
لا غاب نجم عنك هذاك ماغاب = يرحل وليده ويتقدم وليده
واللي نواك بسو في ما نوى خاب = خاب وخسر في فعله اللي يريده
وياتابعين افكار خاين وكذاب = اهل النوايا الحاقدة والمكيدة
الشعب كله ضدكم ياهل الارهاب = وحياتكم بالذل دايم زهيده
وحنا لكم في كل مرصد على الباب = من شذ منكم ما رجع له شريده
نضرب مواقعكم بلاهون وحساب = وم نراح منكم م نعده فقيده
حنا رجال الامن عكفان الاشناب = الدار دونه كل فنن نجيده
من عاش منا عاش باعز ما طاب = ومن مات منا مات ميتة شهيده
وتبقى لنا يادار محل الاعجاب = يامهبط التوحيد قبلة عبيده
غلاك وسط العين من خلف الاهداب = حب يورثه الحفيد لحفيده
خيرك علينا طول الازمان سكاب = وأم لنا عند الظروف الشديدة
حماك رب البيت من كل مرتاب= وعشتي لنا يادار دايم سعيده


ـــــــــــــــــــ

سر ياقلم كان البيوت اسعفنك = واكتب لنا عن شيخنا بالتفاصيل
ساير افكاري كانهن سايرنك = بنات فكر بالعماني محاميل
وياشيخنا كان السنين ارهقنك = منزلك بالعليا كما الجدي وسهيل
وعوق الركب ياشيخ ما يذربنك = ما بالكبر عذورب بين الرياجيل
ولا احد يبا يعذربك في كبر سنك = ذي سنة الدنيا بجيل بعد جيل
وكان الركب عقب الجهد عوقنك = لا تلومهم ما عاد باقي بهن حيل
اتعبتهن بالطيب لين اتعبنك = في لازمت ربعك ودرب المشاكيل
ياما وياما بالطرق شجعنك = تا طا بهن روس الافاع المشاويل
اما سرن بك ليل وإلا جهمن بك = وياكم حصل بدروبهن من عراقيل
لين اكتمل مطلوب راسك وفنك = وحصلت كل اللي تمناه تحصيل
وقدمت للضيفان هيلك وبنك = والعود الازرق والمفطح من الحيل
وعدت العصور اللي قديم سبقنك = عصور جدانك هل المجد والخيل
احبيتر اللي في فعوله محنك = أحييت ذكره يابعيد المناويل
قول عليه شهود ما هو نضنك = تشهد به العربان ماهو تماثيل
واليوم للمسجد إلى وصلنك = نعمة من الله يابو لافي وتفضيل
وبعض الهروج العوج لا يزعجنك = مال الهروج العوج يمك مداخيل
سكر سموعك عن هروج يجنك = لا تلفت في هرجة القال والقيل
ولك لابة وقفاتهم يعجبنك = حاضر ماضي والفعايل دواليل
أفعالهم وايمانهم يسندنك = لا جاء النهار اللي عليه الأقاويل
وبيوتهم في جنب بيتك عطنك = قيمة وهيبة يابو لافي وتجميل
على المعزة والشرف جاورنك = بالديرة اللي جعل تسقى من السيل
واللي بعيد فزوعهم ياصلنك = اليا بدا لازمك جو لك مقابيل
وعسى الليال السود ما يفجعنك = باللي يحطون الشحم واشقر الهيل
وأصدق مشاعر خاطري خاطبنك = ياشيخنا الفاضل فدوك المهابيل
واسمح وسامح في بيوتٍ نصنك = إنكان فيهن نقص وإلا بهن ميل


ــــــــــــــــــ

اهداء للشيخ فالح بن متعب وعموم الجماعة بمناسبة الحصول على ختم الأسامر.

سر ياقلم سجل الكلمة بحزتها = لا جاء الطلب بالمواقف ننظم القافي
أبيات شعرٍ هجوس القلب صاغتها = تعبير يبدي شعور بالوفاء خافي
باسم الاسامر وباسم الشيخ عمدتها = يامرحبا من ضميرٍ لجلكم يافي
باللي حضر للاسامر يوم حفلتها = أهلا هلا به عدد من حج واطافي
حضوركم كملت للدار فرحتها = ياهل الوفاء والمكارم واهل الانصافي
اقلوبنا اللي شعور الود لمتها = حب ورثناه من ماضين الاسلافي
ربع تروي نهار الفعل حربتها = لا جاء نهار اثبات الفعل ينشافي
واليوم في دولة ننعم بنعمتها = عم الرخا بر دولتنا والاسيافي
حكومة للمواطن دوم حسنتها = كل المناطق كسوها ثوبها الضافي
هاذي الاسامر تباهي في صحيفتها = و من الخدمات نالت حقها وافي
جميع خدمة بفضل الله وصلتها = ما باقي إلا قليل وعقب تستافي
بجهود رجالٍ يعز الراس قومتها = اللي اوقفوا دونها في راس مشرافي
حتى اظهروا قيمة الديرة وسمعتها = بجهود ترجع بها الارياق نشافي
والدار ما يحتميها وقت حاجتها = إلا رجال بوجه الخصم وقافي
ودار بليا رجال تضيع هيبتها = وتبني عليها غبون الحزن والسافي
واللي حباله ما تصال برد جمتها = حبال غيره ما يسقنه من الصافي
ومن لا احتزم للامور وشد ذروتها = عليه فاتت ولا فاد التحسافي
وعسى الأسامر تزايد في سعادتها = ويمطر عليها غمام المزن هتافي
وارجو العفو والسموحة قبل قفلتها = اللي حداني على الطاروق ميقافي
ومن مبتداها هلا يالين قفلتها = باسمي وباسم الجماعة واسم ابو لافي

ــــــــــــــــــــــــــــــــ

اهدي هذه الابيات المتواضعة إلى خوالي الودوع بمناسبة عيدهم المقام في ربوع بلدة ثادج عام 1423هـ وبمناسبة تكاتفهم مع بعضهم البعض ومواقفهم المشرفة في جميع الأمور الطيبة،،، ومعذرة عن التقصير في حق الجميع.

حضرت اعايد خوالي في نهار العياد = عسى ليالي خوالي عامر عيدها
خوالي اللي تعلوا في علو الشداد = والطيبة دايم يحرون في صيدها
بربوع ثادج تقرر عيدهم بالوكاد = وطِقَتْ خيام العياد وزان تشييدها
ونويت احضر واشرف عيدهم يوم عاد = فرصة ثمينة وجت لي في مواعيدها
عيال وادع خوالي كان زاد العناد = مثل الجبال الرواسي ثابت حيدها
ربع تحوش الجميلة ما تحوش السواد = وفعولهم بالوفاء بانت شواهيدها
الكل منهم يمينه للسمينة نفاد = متوارثين الجزيلة من مواريدها
افعولهم من قديم طيبات تلاد = صعب على راعي التقليد تقليدها
ضعيفهم يرفعونه بالعلا والسناد = وماكوله من الثمر غالي عناقيدها
له يرخصون الثمينة وسط سوق المزاد = يالين حاله تصاعد في مصاعيدها
ومريضهم ينقولونه من بلاد لبلاد = وعنه التكاليف قاموا له بتسديدها
وقصيرهم كل يوم بالكرامة يزاد = ومحشمين جنابه عن مناقيدها
والضيف يلقى الشحم ببيوتهم والقناد = يقلط على الحيل ومهيل بغاديدها
ولو أبا اعدد فعايلهم يطول العداد = تصعب عليه فعايلهم بتعديدها
الله يوفقهم دروب الهدى والرشاد = وعنهم يعدي هل الشر ومقاريدها
وختامها ريح مسك خالطه بالزباد = على رجال تنومس في تماجيدها
وصلوا عدد ضوح برق بالخيال السداد = وعداد ما غنت الورقا باناشيدها
على رسول الهداية سيد كل العباد = نبي الأمة وقايدها وصنديدها


ـــــــــــــــــــــــــــــــــــــــــــــــــ

قصيده مهداه للأخ العزيز ميزان بن فالح بن حبيتر بمناسبة تخرجه من الجامعة:

يامن بسلاح العلم جبت الشهادة = وتخصصك بالجامعة قسم الإعلام
مبروك ثم مبروك والفٍ زياده = يامن بذلت الجهد بالأربع أعوام
والعلم ما يجنيه راع الوسادة = ياكود منهو طول الايام ما نام
عن المطية ما ينزل شداده = يواصل الايام بدروب الايام
هذي صفات اللي يريد السيادة = وإلا ردي العزم لا نام ما قام
ليا لقى ظل رقد في براده = ومع الدروب الكايده ما احفى الاقدام
واليوم دور العلم هو الريادة = ما بالمناصب غير عالين الأقلام
ومن لا تعب بالعلم ما ادرك مراده = قضى حياته بالتمني والاوهام
والعلم نور وصاحبه في سعادة = وإلا الجهل تراه للمجد هدام
والعلم لا زم تدعمه بالعبادة = طاعة ولي العرش تبدى بها شمام
وعلم بليا دين نقص وقراده = ما ينفع الكفار عباد الاصنام
وعلم بليا جود ينقص عتاده = لا صار ما انته للجزيلات مقدام
مع مذهب طيب وصبر وجلاده = وعطف على المسكين مع وصل الأرحام
هذيك والله هي تراها الشادة = اللي لها العالم يوقع بالإبهام
واللي زرع زرع جنى من حصاده = وجميع ما تسويه تلقاه قدام


هذه القصيدة بمناسبة ترشيح الاخ جاسر بن فالح بن حبيتر البيضاني الحربي للانتخابات البلدية في محافظة النبهانية في 5/3/1426هـ

ابتدي باسم الولي جزل الثوابي = العليم المطلع فيما نقوله
ويالله اني طالبك قول الصوابي = والهدى والخير بلغني وصوله
وبعد جينا بالمقر الانتخابي = صوتوا للشيخ جاسر صوتوله
صوتو له ياعزيزين الجنابي = ياهل الوقفات ورجال الحموله
صوتوا له من شياب ومن شبابي = الخميس الجاي يالربع افزعوا له
فزعة ما تنوش بوك ولا مخابي = ماقف ما يقدره غير الزحوله
من وقفتم في جنابه ما يهابي = يضمن الفوز المحقق والبطولة
ومن شقا للطيبة والطيب طابي = والردي للطيب ما تعب رحوله
وابو فالح بالوفاء والعز رابي = مدرك درب الشكالة والرجولة
وكان فاز وحقق الرقم الإجابي = مانبا ترتاح بالمبرك ذلوله
ولا نبا يذوق نوم ولا شرابي = لين يدرك مطلب اللي عضدوا له
بالطلب يسعى لنا مع كل بابي = يبذل المجهود ويجيب محصوله
المعالي دربها يحف الركابي = والمناصب ما تهيا بالسهولة
والوطن نفداه حتى بالرقابي = نرخص الأرواح لجلة والعمولة
دارنا دار السعد حلو المرابي = حبها مغروس من سن الطفولة
مايعيش إبها إرهاب ولا إرهابي = درة بالعين والقلب محمولة
ومن نوى باطرافها فعل الخرابي = للشلل رجليله ويديه مغلوله
كيف يرخص من نزل فيها الكتابي = والوحي بطرافها شعشع نزوله
والدعا لله فيها مستجابي = عن ظلام الكفر والشرك مغسوله
في ثراها المصطفى مع كم صحابي = دولة بين الدول ياوي دوله
دولة آل سعود مروين الجنابي = من نواها بسوء بالسوء اقعدوا له
جعل تسقى من مراهيش السحابي = من خيالٍ مركمن تدرج سيوله
قالها اللي في كلامه ما يحابي = ويتوقع بالكلام اللي يقوله
خايف لا يلحقه بعض العتابي = للشعر نقاد تفهم في اوصوله
وسمحوا لي كان زليت بجوابي = والصلاة ختامها على رسوله


ــــــــــــــــــــــــــــــــــــــــــــــــــ ـــــــــــــ

اهدي هذه النصيحة المتواضعة إلى الأبن العزيز/ بندر حفظه الله ورعاه كما أرجو من العزيز الحكيم ان يبلغه رشده ويهديه إلى طريق الخير والصواب ويجعل هذه النصيحة عنوانا له لفعل كل خير واجتناب كل شر ورذيلة:

سر ياقلم برسالتي واستهلي = اكتب وسجل ياقلم ما طرى لي
ابيات شعر صغتهم واستولي = وعبرت فيهن ما تصور ببالي
واهديتهن عقب انهن طاوعن لي = على الذي بالقلب حط الرحالي
الابن بندر يوم شرف وحلي = لو كان توه بالمهد ما مشى لي
قلت استمع في جابتي واحتملي = إذا بلغت الرشد روم المعالي
ولا تقول ليه أبوي من قبل حلي = ينصح وأنا ماصار مني خمالي
وأقول انا بلاي يا مسندلي = من العمر ما ني عارف وش بقى لي
يمكن الليال بغيبهن يقصرن لي = من يضم الايام هي والليالي
إن عشت لك سلمتها لك وكلي = نصيحة لك عن دروب الميالي
وإن مت تلقى رسالتي بالسجلي = موثقها بشهودها مع حلالي
وأول وصايا ابوك ياعزوة لي = طاعة ولي العرش منش الخيالي
احفظ حقوق الرب دق وجلي = في طاعة المعبود خلك مثالي
راقب وليك راقبه لا تظلي = عن الهداية والهدى للظلالي
والنفس والشيطان لا تستزلي = لك مع طريق فيه جرف هيالي
وحذراك ثم حذراك من صحبة اللي = من صحبته تلقى العنى والنكالي
لا ترافق اللي للسنع ما يدلي = ارفع مقامك دايم بالعوالي
احرص على اللي رفقته ما تملي = راع الشرف والدين منصا الرجالي
اللي لا شافك خاطره يسفهلي = في مجلسه تلقى الشحم والدلالي
والوالدين بحقهم لا تقلي = ارخص لهم ما تملكه لا تبالي
خلك لهم سوات غصن مظلي = غير الذرا فيه الثمر والظلالي
وللضيف والجيران رحب وهلي = واكرم لحام بالسمان الحيالي
ولعروض خلق الله لا تستحلي = مالك ومال الهرج قيل وقالي
وسط المجالس خل هرجك مقلي = ترى كبير النفس ماله قبالي
وقدر رفيقك واحشمه لو يزلي = وإن زل طوف زلته لا تسالي
لا يصير صدرك ضيق ثم تستقلي = خلك على ماقيل صدرك شمالي.
إلا لاجاتك عايله من مغلي = الراس لا ترخيه والعمر بالي
وجوّد حلالك واحفظه لا تولي = تلقاه وإن حز الرشا بالمحالي
إلا ليا جاء واجبه لا تغلي = ابسط يدك بالطيب وارخ الريالي
وارفع نسبك وعربه لا يدلي = ترى النسب له دور على العيالي
ناسب رجال نسبهم مايعلي = أهل الصخا وأهل النقا والعدالي
اللي لهم بالطيب مذهب ودلي = مثل الذهب في نسبهم واللأّلي
ولا يغرك الهلاس خله يولي = بيديك حط الشمس هي والهلالي
اليا هرج تقول سيف يسلي = وإن جاء حزم كلاب صابه جفالي
وترى العفن لو حط مجلس وزلي = مامن حلا في مجلسه والزوالي
والحنظلة لو علها السيل علي = ترى طعمها مر ما صار حالي
والطيب ما هو بس بشت يفلي = وثوب نظيف وغترته والعقالي
الطيب ضلع شامخ مستقلي = عسر على الرديان صعب المنالي
حزم وعزم مع ساعد ما يكلي = ونطح الأمور الكايدة والثقالي
وخلك بفعل الطيب نجم مطلي = اشفق على الجزلات خل الهزالي
وإذا بلتك مصيبة ما تحلي = ازبن على حلال عقد الشكالي
من لاذبه يكفيه ما يستذلي = نجا نبي وحده بالسؤالي
واللي نويت انصحك فيه اكتمل لي = اوجزت لك من خاطري ما بدى لي
وإلا علوم الطيب ما يحصرن لي = لو أبا اعدد كان طال المجالي
لكن في قول الحكيم استدلي = ما قل دل بدون شك وجدالي
ولا يضيع مما قلت لك قدر ملي = احفظ وصاتي بالوفاء والكمالي
وأرجي عسى الايام بك يقبلن لي = وأسعد بطيب خدمتك بالتوالي
ابغاك عن ضيم الدهر مزبن لي =وتعوضني بالغالي اللي غدى لي
وصلوا على المبعوث وانا ابا اصلي = اللي ومر للناس يذن بلالي

ــــــــــــــــــــــــــــــــــــــــــــــــــ ــــــــــــــــــــــــــــــ

إلى أخي الكبير وعزيزي الاخ/ منصور بن شجاع بن ماجد بن حبيتر البيضاني الحربي

أهديك هذه الأبيات المتواضعة التي آمل أن تحوز على رضاك وهي أبيات رد ثناء على ما قمت به وتقوم به من تقديم خدمات جليلة اتجاهي واتجاه كثير من الجماعة والأصحاب والمعارف من ضمنها ما بذلته لي من خدمات في يوم عيد الأضحى عندما قمت بالاتصال عليك لأشكرك على ما قمت به وقلت لي: إنما انا اسدد فواتير دين لك علي يابو بندر، فكان لهذه الكلمة تأثير بالغ في تحريك مشاعري لتبيح لك عن هذه الأبيات كما لا يفوتني أن اغتنمها فرصة لابارك لك على الترقية إلى المرتبة الممتازة وإلى مزيداً من التقدم والنجاح إن شاء الله.

سددت يامنصور كل الفواتير = اوفيتني لا هنت مية بمية
لاكن انا بوفاك ياكيف ابا صير = طيبك ما يحصى يا ابيض الوجه فيه
جمايلك بي واصلة قمة النير = يصعب وفاهن بين ذيك وهذية
خزايز مثل البكار المغاتير = أتلاهن اللي يوم عيد الضحية
كفاك رب البيت شر المقاير = يا كاسب النوماس والشاذلية
يا مدهل الجيران هم والمسايير = وريف الضعيف اللي حواله ردية
وذباح حيل الضان قدم الخطاطير = إليا لفوا للبيت من كل نية
يلقون وسط البيت حشمة وتقدير = وحيل تقلط بالصحن الصينية
ودلال كيف للنشاما مباهير = من فوق صلو النار والنار حية
وترحيب أحلى من حليب الاباكير = مع فزة بالضيف ماهي ونية
والعود يمشى فيه وسط المباخير = وسوالف من كل نوع عذية
وما قفك دونه ما تقدم معاذير = يشهد سجلك بين روحه وجية
لا جاء لك اللي حاصل له عواثير = تاقف معه يالين تنه القضية
اسمك شهر بالطيب ضمن المشاهير = وسمعتك عند الناس ماهي خفية
المدح يزهى فيك من دون تزوير = ينقاد لك قود الرسم للمطية
طيبك ورثته ساس ما توه صغير = متسلسل بالدين والجاهلية
جدانك اللي ينطحون الطوابير = يوم الهجن والخيل والبندقية
شيخان قوم للمعادي جوازير = يردون حوض الموت ورد الضمية
تشهد لهم بيض السيوف البواتير = سيوف هند بالخضاب محنية
وابوك له بالطيب ورد ومصادير = فيه الشجاعة والكرم والحمية
ريف الخوي والضيف ريف المعاسير = يمناه بالمعروف دايم سخية
وانته على منهاجهم تبذل السير = تبذل وتفعل كل صبح وعشية
جعل الليالي يزهرن لك نواوير = وتسلم يابو شجاع من كل سية
واقبل هدية عيد يابن المناعير = هدية ما ابغى وراها جزية
لا والذي بيديه كل التدابير = من الكلمة اللي قلت بالعيد لية
واسمع وسامح كان بالقول تقصير = واختامها مني جزيل التحية



ــــــــــــــــــــــــــــــــــــــــــــــــــ ـــ



هذه الابيات إهداء خاص للأخ الدكتور/ شجاع بن متعب بن غميض البيضاني الحربي بمناسبة حصوله على شهادة الدكتوراه:

يالله ياللي مخاليقه تلبي له = ياواحدٍ لا شريكٍ له ولا ثاني
درب الهداية توفقني دواليله = وتحفظ دروبي عن الزلات ولساني
ومن بعد ذكرك حلاة القول تفصيله = وقولٍ بليا دليل يروح مجاني
وعقبه نبارك لبو متعب مواصيله = اللي تشرف فعوله كل بيضاني
وايضا يشرف قبيلة حرب تأهيله = نفخر بذكره مع الأقصين والداني
الطيب هو منهجه والعلم تحصيله = شفقٍ على الطيبة في كل ميداني
تعب بنهاره وواصل بالسهر ليله = يالين حقق طموحاته كحيلاني
والعلم دايم صعيباتٍ مناويله = من لا يغوص البحر ما جاب مرجاني
ومن لا يحوش الوفاء والطيب عزي له = يصبح ويمسي على ماقيل خسراني
وشجاع بالوفية ترجح مكاييله = له بالوفاء والكرم سيرة وبرهاني
بيته على الطيبة توضي قناديله = ما صك بابه عن الجيران والعاني
والهيل والبن يوجد في معاميله = والعود الازرق يعوج وحيل سماني
وإليا انتخى فيه من قلة محاصيله = ما عاد من عند ابن اغميض ندماني
يزهى المدايح ولد متعب وتزهي له = ولا ينمدح واحدٍ فالطيب ما باني
الناس تثني على الطيب وتدعي له = وإلا الردي ما يحوش المدح كوباني
عسى الليالي بطول العمر تمدي له = وعسى يوفق بطاعة عالي الشاني
وعسى الليالي مع الأيام تصفي له = عن ما ينغص حياته سر واعلاني
وختام قافي مع نهاية تماثيله = ارج السموحه عن الناقص بقيفاني
وصلوا عدد بارق هلت مخاييله = لا قام ضوحه يلوح ابغر الأمزاني
على رسولٍ نزل ذكره وتفضيله = من فوق سابع سماء بآيات قرآني

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
إهداء مع التحية للأخ العزيز غازي بن عيسى الحنيني بمناسبة الزواج:

ودي حضرت وشرفت العرس ياغازي = لكن ضروفي عن التشريف حدني
وإلا أنت من ربعة غالين وعزازي = ولا تنتجاهل حقوقك يوم وردني
وعساك باللي هواه القلب تمتازي = ويصبح حجاجك ضحوك ويضحك السني
وحبيت امازحك لو انك ما يعتازي = خبرتك تفكيك لو جاك الخبر مني
واللي مجرب ما يبغى درس وإيعازي = مير الممازح مع الطيب يطمني
ترى الطباين يبن جهاد وكيازي = في معاملتهن يبن الماهر الفني
ويبن صدرٍ شمالي ماهو حجازي = وسموع لا سمعن الواشي ما يوحني
مع هيبة قاسية ماهيب تنهازي = وضلوع لو زودوا بالحمل شالني
ويبغن غير الذهب فرشات شيرازي = وكل المخابي ملايا ما يغيضني
وعن شوف بعض الخطاء لا بد تجتازي = تنال بالصبر خير، أصبر عليهني
وفي ما بقى من الامور تصير ممتازي = من ضن بك ضن تصبح له ورى الضني
وإليا انتهت جدتك ما تصير منحازي = راقب موازين عدلك لا يميلني
بالخط خلك على ماقيل متوازي = لا يصير وضعك مع النديم متدني
تراك مهما اغتنيت تصير معتازي = لا بد سود الليالي لك يعوزني
يقوله اللي عن دروب الشقا عازي = هون بعد شاف وضع الذيب والجني
تدري وش اللي حصل له عقب الالغازي = عيت رجوله عقب ما رحت يقفني
بغى يولع لهيب النار بالقازي = وبغى عشيره بعد ما اوحاك ينجني
هرجك يورط كثير الناس ياغازي = واللي معك يندمج ما هوب متهني


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

إهداء إلى الاخ العزيز/ شبيب بن بجاد البيضاني

أهديك هذه الأبيات المتواضعة وهذه الهدية المتواضعة حيث أنك رجل وفي وصاحب مواقف طيبة وكل رجل وفي يستحق الطيب والتقدير والوفاء وبما أنك رفيق لوالدي رحمه الله فمن بر الوالد أن تصل صديقه وتكرمه وفي هذه المناسبة تقبل هذه الابيات ومعذرة عن التقصير لأن معزتك وتقديرك أكبر من ذلك والله يحفظك ويرعاك.

يم ابو شباب كزيت الدلالي = حيث ابو شباب كفوٍ للهدية
يستحق الطيب نطاح الثقالي = مع دلالٍ لونهن تقل بردية
حيث يوفي حقهن واف العدالي = ماهضم مقدارهن بالزمزمية
ضاريِ بالطيبة والطيب غالي = ومن ضراء بالطيبة عاف الردية
لا لفوه ضيوف وربوع غوالي = حافهن قدامهم راع الوفية
زين صف رقابهن قدم الرجالي = وريح فوح بهارهن له قابلية
لا درج فنجالهن زان المجالي = للقصايد والسواليف النقية
كيف لأهل الطيب وكرام السبالي = أهل الطولات واهل الشاذلية
في محلٍ بالشرف والطيب عالي = ما يجيه أهل الردى والسرسرية
صاحبه للضيف حلوٍ بالقبالي = وللمسير مثل محصول الخلية
جعل يسلم من صواديف الليالي = ويحتميه الرب من شر البرية
هو رفيق أبوي بأيام خوالي = رفقةٍ بالطيب والعز امحمية
من وفاه اوفيه حقه بالكمالي = يستحق الطيب مني والهدية
وعن طويل القول قصرت المقالي = والسلام اختامها بأزكى تحية

ــــــــــــــــــــــــــــــــــــــــــــــــــ ـــــــــــــــــــــــــــــــــ
أهداء للأخ الفاضل عبدالله بن متعب ابن حبيتر البيضاني الحربي:

أزف إليك بهذه الليلة المباركة اجمل التهاني والتبريكات بمناسبة زواجك الميمون ونرجو من الله العزيز الحكيم ان يوفقنا وإياك لما يحبه ويرضاه، فتقبل مني هذه الأبيات المتواضعة التي جاشت بها قريحتي بهذه المناسبة:

بقصر العروبة تقرر عرس عبدالله = في خمسه خمسه عزمنا طيب الفالي
الحاضر يبلغه والغايب ارسل له = خلا الخبر عن زواجه صيته يلالي
وضح مكانه وتاريخه لربعٍ له = ما اخفى زواجه عريب الجد والخالي
رفيقنا اللي طريق الطيب طبعٍ له = يشفق على الطيبة لو سوقها غالي
للطيب يتعب ركابه لين ياصل له = مهما تكلف من المجهود والمالي
لا جاه راعي لزوم او راعي اشكلة = وحيله معقد يبي للعقد حلالي
ترى عبدالله يفل العقد ويحله = وياقف بصفه يالين الهم ينزالي
ما قلتها قصدي مجامل ومدحٍ له = والشاهد عندي على توثيق الأفعالي
تثني عليه العرب لا حل طارٍ له = ولا ينمدح واحدٍ للطيب ما نالي
يستاهل العرس ابو هاضل وكفوٍ له = ما يجمع حبال الأربع خير الأبطالي
وحنا نزف التهاني له ونبذل له = اجهودنا كلها لأجله لا نبالي
ومن جاه كرت الزواج يجيه عانٍ له = لو ان دراه بعيد ودربها طالي
ويا من وفيتوا وشرفتوا محلٍ له = ترى الوفاء طبعكم من ماض الأجيالي
أهل مكارم وأهل شيمات وجبلة = ربعن لكم بالوفاء مدخل ومنزالي
للخير دايم هبوبٍ تطرد العلة = وللشر باب مزنجل فيه الأقفالي
جيتم كرامه لبو هاضل وقدرٍ له = هذا رفيق وهذا صاحب وغالي
وساق المباخر عليكم وأصفر الدلة = ورحب وهلا من أول شخص للتالي
وولم عشاكم من الجزلات وأكمل له = جميع ما يطلبه من دق وجلالي
حيثن لحاكم تستاهل يا أهل الملة = يامن تبعتم رسول الله بما قالي
وراجع وابارك لعبدالله بفعلٍ له = لو ان فعله يصيب بخوف وجفالي
وارجو السموحه عن التقصير والزلة = حيثن ماني بدكتورٍ للأمثالي
وصلوا عدد مزنةِ بالوبل منهلة = على رسول بعث للدين مرسالي

ــــــــــــــــــــــــــــــــــــــــــــــــــ ـــــــــــــــــــــــــــــــــــــ

يا ماحلا دكة الشيبان = حليب عنز ولبن ناقه
في دكة ترضي الزعلان = من زارها زانت اخلاقه
السعن بطرافها مليان = تحت المضلة بمعلاقه
متكفل حسين بالقرصان = وذعار بالبن وأرناقه
ربعن تجملك بالضيفان = للطيب والجود عشاقه
ومفلح ليا حضر مسيان = طفشان والبعد ما عاقه
نرضيه بطويسة العطشان = تقطع ضما العود وارهاقه
عود على واجبه لا حان = يمناه للطيب سباقه
والمصتبح لا زهمته بان = تشفق على مثله شفاقه
طيب ورجوله وحلو لسان = وكل البلد يبخص اسواقه
ولا صرت من قرشتك طفشان = يكفيك بالسوق لا واقه
سوه على التيس والطليان = واللي بعد عنده لحاقه
شريطينا وانفع الجيران = باليع ما يطمع أرفاقه
وفالح معي يقهر الحيران = والذود ما انفوت أفواقه
ونشرف ونرقب على الميدان = وانغلق اللي يبا غلاقه
عقب العصر مالنا غرضان = الرِجل للقصر تواقه
هذي هي اخبارنا يافلان = على النقى بيض لهاقه
الباب مفتوح للضيفان = ومن زارنا شاف ما شاقه
يقلط على مفطح الخرفان = وأرزاق وأنعامٍ رقاقه
وان كان جو القصايد زان = كل يعبر عن اشواقه
أما قصيد على برهان = وإلا تواصيف دقاقه
في دكة القصر تقل اخوان = ومن غاب ما نكشف أوراقه
وانعوذ بالله من الشيطان = ونشكر مولانا على ارزاقه
والخاتمة يالله الغفران = بيومٍ به الناس مفتاقة.

]d,hk hgahuv: ud] fk fk],v

مواضيع جديدة لم يتم الرد عليها.. نتشرف بمشاركتك لنا فيها

إعلان إداري

اخواني زوار مجالس البيضان يمنع التسجيل بالأسماء المستعاره والتسجيل يكون بالإسم الثلاثي الصريح فقط وغير ذلك سيتم حذف العضويه


التعديل الأخير تم بواسطة محمد بن سعود ; 22nd Jun 2009 الساعة 01:04
محمد بن سعود غير متصل   رد مع اقتباس
قديم 15th Jun 2009, 12:14   #2
شافي البيضاني
عضو مميز
 
تاريخ التسجيل: May 2006
الدولة: الرياض
المشاركات: 151
معدل تقييم المستوى: 15
شافي البيضاني is on a distinguished road
افتراضي رد: ديوان الشاعر: عيد بن بندور

نقره لعرض الصورة في صفحة مستقلة
ألاخ الفاضل محمد بن سعود
تقبل شكري وامتناني على مادونته في المنتدى نيابةً عن اخي عيد بن بندور بن خصيوي فأنت طيب لايأتي منك الا طيب والاخ عيد بن بندور رجل غني عن التعريف شعرا وحضورا وتقديرا عند القاصي والداني وقصائده الموجوده في المنتدى هي خير دليل على ماقلته فهو يجسد القبيله والرفقه والطيب والخلق النبيل في شعره وفي شخصه النبيل ولا ابالغ اذا قلت ان ابوبندر مدرسه في الشعر والخلق والقيم الفاضله التي قل ان توجد الا في نوادر الرجال تقبل تحياتي وتقديري وصح لسان ابوبندر على قصائده الجزله وبأنتظار المزيد

مواضيع جديدة لم يتم الرد عليها.. نتشرف بمشاركتك لنا فيها

شافي البيضاني غير متصل   رد مع اقتباس
قديم 6th Sep 2009, 07:14   #3
حمود محمد البيضاني
مشرف عام
 
الصورة الرمزية حمود محمد البيضاني
 
تاريخ التسجيل: Jan 2007
المشاركات: 1,043
معدل تقييم المستوى: 1000
حمود محمد البيضاني is on a distinguished road
إرسال رسالة عبر مراسل MSN إلى حمود محمد البيضاني
افتراضي رد: ديوان الشاعر: عيد بن بندور

صح لسان الشاعر عيد بن بندور
والشاعرعيد يمتاز شعره بالجزالة والقوة وعذوبة المفردة
فهو بحق شاعر متمكن

مواضيع جديدة لم يتم الرد عليها.. نتشرف بمشاركتك لنا فيها


التعديل الأخير تم بواسطة حمود محمد البيضاني ; 6th Sep 2009 الساعة 07:17
حمود محمد البيضاني غير متصل   رد مع اقتباس
 

 

إضافة رد

مواقع النشر (المفضلة)

الكلمات الدلالية (Tags)
الشاعر:, بندور, ديوان


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
لقاء مع الشاعر محمد عبيد الحربي سيف العتيبي ..:: مجلس شعر المحاورة ::.. 0 26th Jan 2010 07:05
هنا اسماء شعراء قبيلة حرب عامة ونبحث عن اسماء غيرهم حمد شريف الشدادي ..:: مجلس النبط ::.. 16 14th Jun 2009 08:44
ديوان الشاعر خالد بن محمد بن ماجد البيضاني محمد بن سعود ..:: مجلس شعراء البيضان ::.. 8 30th Apr 2009 08:46
ديوان الشاعر حمود بن عبدالكريم بن سياف محمد بن سعود ..:: مجلس شعراء البيضان ::.. 6 23rd Mar 2009 08:30
ديوان الشاعر رحيل بن بجاد بن جليل البيضاني محمد بن سعود ..:: مجلس شعراء البيضان ::.. 8 24th Oct 2007 10:56


الساعة الآن 03:07.


Powered by vBulletin® Copyright ©2000 - 2019, Jelsoft Enterprises Ltd.

albeedhan@hotmail.com

System exit pages by mr.AmRaLaA
جميع الحقوق محفوظه لمجالس البيضان من حرب

Security team

حماية مواقع

 

مجالس البيضان العامة| ..:: المجلس الترحيبي ::..| ..:: المجلس الإسلامي ::..| ..:: مجالس فضل بن ثواري ::..| ..:: مجلس أنساب وديار البيضان ::..| ..:: مجلس قصص البيضان ::..| ..:: مجلس شعراء البيضان ::..| ..:: مجلس أعلام البيضان ::..| ..:: مجالس البيضان الأدبية ::..| ..:: مجلس النبط ::..| ..:: مجلس الفصيح ::..| ..:: مجلس المنقول ::..| ..:: مجالس البيضان المعلوماتية ::..| ..:: مجلس الحاسب ::..| ..:: المجلس العام ::..| ..:: وثائق البيضان ::..| ..:: مجلس مناسبات البيضان ::..| ..:: مجلس أخبار البيضان ::..| ..:: المحذوفات ::..| ..:: مجلس شعر المحاورة ::..| ..:: قسم الصوتيات الإسلامية ::..| ..:: مجلس التراثيات ::..| ..:: منتدى المحذوف والمكرر ::..| ..:: قبيلة حرب ::..| ..:: مجلس الكتب والبحوث والمقالات ::..| ..:: مجلس اللقاءات و التقارير ::..| ..:: حوارات القبيلة ::..| الألغاز الشعريه | ..:: قسم مشاركات الزوار ::..| ..:: مجلس المواليد والوفيات - التهاني و التعازي ::..| ..:: مجلس الواحة الرمضانية ::..| مجلس مشاريع البيضان| مجلس بنت القبيله| مجلس بناتناااا| عالم المطبخ| الازياء والمكياج| الغرائب والعجائب| المجلس الترفيهي|
1 2 3 4 5 6 7 8 9 10 11 13 19 20 23 24 28 29 31 33 35 38 39 40 41 42 43 44 45 46 47 48 49 50 51 52